مرحباً وهلافيكم جميعاً ..

بسلسلة تغريدات جديدة إسمها عشرة نحب وعشرة نكره

نتناول أبرز عشر أشياء نحبها بكل برج

وعشرة أشياء نكرهها .. في قالب خفيف فكاهي ..

 

عشرة نحب في برج الميزان ..

نحب إسلوب #الميزان المتكتك اللي لو يبي منك شيء يضرك شخصياً يقدر يضبط له كم كلمة تلحس مخك وتخليك توافق وتسويها عن طيب خاطر

نحب أناقة #الميزان اللي مستحيل يمر من جنبك بدون لا يلفت إنتباهك ..

نحب عدالة #الميزان حتى مع أعداءه مايكره أجد كره العمى كل المشاعر عنده قابله للتغيير والزيادة والنقصان والعداوة رافضها جملة وتفصيلاً

نحب قدرة #الميزان على السماع قبل الرد والتهجم والغضب الميزان مستمع جيد ويكمل يسمع كلامك وهو من أول دقيقة فاهمك وفاهم وش تبي توصل له

نحب إبتسامة #الميزان اللي ماتفارقه مع كل الناس وعلى إختلاف طبقاتهم مايكشر بوجه أحد بس لأنه متضايق قاعدته : شذنب الناس أكشر بوجهها !

نحب صداقة #الميزان القوية ووقفته مع أحبابه ع الحلوة والمرّة ولاءه لأصدقاءه ودفاعه المستميت عنهم الميزان صديق ممتاز

نحب كلام #الميزان المعسول اللي يحسسك إنك الوحيد بالعالم والأجمل والأكمل والأروع لسانه كفيل يخليك تثق حتى بعيوبك الشينه إنها مصدر سعادة

نحب ثقافة #الميزان اللي من كل بحر قطرة نادر تفتح موضوع معه وتلاقيه جاهل فيه

نحب إنسانية #الميزان تجاه غيره وإحساسه فيهم حتى لو مايقربون له

نحب خفة دم #الميزان اللي يقدر يقلب أي خبر تعيس لشيء مضحك وإيجابيته بالبحث عن الجوانب الحسنة بأي مشكلة بشكل ساخر ولطيف ومحبب

عشرة نكره في الميزان 🙁

نكره غيرة #الميزان تجاه أي شخص أفضل منه ومحاولته تكسير المجاديف بشكل لبق

نكره إسلوب #الميزان (أمدحك وأسبك) يعني يقطع بجلدك وقبل يخلص يقول كتبرئة للذمة بس ترى قلبه طيب يا شييييخ !

نكره مراوغة #الميزان وعدم إعترافه

نكره تردد #الميزان وعدم إلتزامه بقرار معين

نكره عين #الميزان الطويله وبصبصته الزايدة

نكره هياط #الميزان اللي يستعرض قدامك ساعتين بسفرياته وماركاته وأخلاقه ومآثره الحسنة وبس تمدحه أعطاك الفيس المستحي وقالك لا عاد مش للدرجة دي يعني :$

نكره الوجه البريء عند #الميزان اللي يصرفه لك بكل وقت عشان يتهرب من غلطاته وبلاويه غصب عنك تسامحه إذا كنت تتعامل معه للمرة الأولى

نكره حركات اللوك لوك في #الميزان والحش والقيل والقال واذا قلت له عيب شدخلك بالناس قالك أخبار مجتمع مجتمع مين يابو مجتمع إنت إسمها تقطيع جلود

نكره الانا العالية عند #الميزان وفكرته أنه الأفضل ويستحق كل شي جميل أكثر من غيره

نكره تهرب #الميزان من القيود والوعود

إنتهى