مرحباً وهلافيكم جميعاً ..

بسلسلة تغريدات جديدة إسمها عشرة نحب وعشرة نكره

نتناول أبرز عشر أشياء نحبها بكل برج

وعشرة أشياء نكرهها .. في قالب خفيف فكاهي ..

 

عشرة نحب في برج العذراء ..

١- نحب دقة #العذراء بكل شيء يسويه عمل – طبخ – أعمال يدوية عندها غاية وحدة وهي: الإتقان والكمال لذلك شيء مريح إنك تعتمد عليه تضمن نتيجة رائعة

٢- نحب ثقافة #العذراء إذا سألته عن شيء أو سولف (حكى) عن شيء معيّن يعتبر حكواتي بس كشخه شويّ  يجيب لك المعلومات من مصادرها بدون تحريف وتفليم

٣- نحب أخلاق #العذراء ومبادئه وقيمه العالية نحب كونه صاحب مبدأ وما تغيره الظروف ولا الفلوس شخص أصيل ومعدنه طيب

٤- نحب نفس #العذراء الحلو بالطبخ لو يسوي لك شاي تحس فيه لذة غريبة عيبه الوحيد مايبيك تساعده وإذا بتتعلم منه؟ لازم تتعلم من البداية وبالتفصيل

٥- نحب خفة دم #العذراء بالسوالف والحكي خفة دمه تختلف عن الحمل الحمل ممكن يذبّ (يتريق) على شكلك في سبيل يضحك غيرك العذراء مستحيل يجرحك ويحرجك

٦- نحب فصاحة لسان #العذراء قدراته الأدبية المذهلة بالتعبير والكتابة والحوارات إسلوب راقي بالتعبير عن الشيء اللي يبيه من حقين القهوة الساخنة

٧- نحب إهتمام #العذراء بصحته وصحة اللي حوله شخص يهتم بالأكل الصحيّ والرياضة يقرأ عن الأمراض ويحاول يتجنبها قد مايقدر

٨- نحب حرص #العذراء على عدم جرح مشاعر غيره ينتقي الكلمات اللي بيقولها ويحرص جداً يكون لطيف والشيء ذا سبب شعبيته وحب الناس له

٩- نحب تواضع #العذراء وتعامله مع كل الطبقات الإجتماعية العذراء شخص يكره الغرور والمتكبرين وممكن يهاجمهم هو صديق البسطاء أكثر من غيرهم

١٠- نحب وفاء #العذراء لعلاقاته الإجتماعية شخص فيه خير ويحب يتواصل مع الناس ما يقطع فيهم ولا يسحب عليهم ويحط لهم العذر دايماً ويسامحهم

أمور أخرى نحبها في العذراء 🙂

#العذراء نحب وفاءه لأهله ولأمه نحب كرمه ونبله نحب فزعته لغيره نحب طيبة قلبه

نحب بـ #العذراء بعد عدم مجاهرته بالغلط إحترامه لكبار السن بشكل خاص إحترامه لكل شخص أكبر منه تقديره لعادات غيره حتى لو إنه غير مؤمن فيها

نحب بـ #العذراء أيضاً مهارته بالأعمال اليدويه نحب إهتمامه بالجودة والكيف وما يهتم بالعدد والكمّ نحب عقله التجاري نحب حكمته ودهاءه

عشرة نكره في العذراء 🙁

١- نكره إنتقادات #العذراء اللي أحيان تكون بغير مكانها هو يعتقد للأسف إن إنتقاداته تسعدك لأنه صريح وأحيان تكون جارحة ومالها داعي يا قاسي

٢- نكره إسلوب #العذراء بالعتاب على أمور صارت وإنتهت زي لما تشكي له ويقول : طب ليه ماسويت كذا ليه ما رديت كذا والشي ذا يحسسك بالندم زيادة

٣- نكره مثالية #العذراء الزايدة اللي تحسسك إنه غير واقعي ومهما سويت له يدور على الأخطاء ويقولك عنها سواء عمل علاقة أي شيء بغرض تحسنّها ..

٤- نكره عدم ثقة #العذراء بأي عمل يقوم فيه غيره والسبب إنه يثق بعمله أكثر من البقية لذلك تجده بلا وعي منه يعيّب بغيره عشان يتفادى العمل معهم

٥- نكره غيرة #العذراء الجنونية على شريكه اللي تكون أحيان غير منطقية وغير مبرره وتسبب ضيق لشريكه !

٦- نكره وسوسة #العذراء بأدق التفاصيل وحرصه عليها .. يعتبر التفصيل شيء جداً مهم وممكن ينهار لو نقصدشيء منها مهووس بالكمال والشي ذا يتعبه

٧- نكره مخ #العذراء اللي ٢٤ ساعه شغال بحوارات ومواقف سابقة يملك عادة إعادة المواقف بباله وياليتني قلت كذا ليتني رديت كذا يتعب نفسه ع الفاضي

٨- نكره عدم نسيان #العذراء لآي خطأ صار بحقه فعلاً العذراء طيوب ويسامح ويرجع يتعامل مع الكل لكن في قرارة نفسه ما ينسى وتبقى بقلبه قلب بعير

٩- نكره حساسية #العذراء الأوڤر تجاه أي كلمه وموقف إي العذراء حساس شفيك مصدوم؟ أوك إنه مايبين ولا يوضّح لكن في قرارة نفسه حساس جداً

١٠- نكره تفسير #العذراء للمواقف اللي تصير على كيفه شخص يفسر الشيء ويقتنع فيه ولا يسألك عنه يعتقد إنه فاهمك وكثير أحيان يكون غلطان ويظلمك

إنتهى