مرحباً وهلافيكم جميعاً ..

بسلسلة تغريدات جديدة إسمها عشرة نحب وعشرة نكره

نتناول أبرز عشر أشياء نحبها بكل برج

وعشرة أشياء نكرهها .. في قالب خفيف فكاهي ..

 

عشرة نحب في برج السرطان ..

١- نحب حنيّة #السرطان لو تغلط بحقه وترجع تكون (صادق) بإعتذارك ممكن يغفر لك كل جرايمك بحقه يا متوحش يبي منك صدق فقط

٢-نحب لطف #السرطان بالتعامل معاك يفهمك بسرعة ويحرص إنه مايزعجك ولا يزعلك ولا يقول الكلمة الغلط اللي ممكن تضايقك لطيف أحيان لدرجة تخليك تنحرج

٣- نحب عيون #السرطان اللي تفضحه وتقولنا وش يفكر فيه حتى لغة الجسد عنده مفضوحه ماعنده تزييف ولا مجاملات وهالشيء يريحك نوعاً ما معاه

٤-نحب صدق #السرطان معاك مايخونك مايكذب ع لسانك ، ما يتبلى عليك إنسان صادق مع نفسه قبل كل شيء ذكرني بأغنية عبدالمجيد انا صادق وأصدق كل كلمة

٥- نحب تضحية #السرطان اللي يشوفها قليلة بحقك بل ويشوفها من واجباته الطبيعية

٦- نحب حب #السرطان لشريكه بغض النظر عن شكله ومكانته الحب يخلي شكل الناس أجمل عند السرطان بدون أي إعتبارات أخرى

٧- نحب كرم #السرطان مع الناس حوله واللي يحبهم يجيب لك الشيء بدون لا تطلبه

٨- نحب نفس #السرطان الحلو بالطبخ اوووه إذا جاك السرطون جيعان! إبسط يا عم ، هـ يبدع لك بالطبخ السنع اللذيذ اللي كفيل يزيدك كم كيلو بالراحة

٩- نحب فزعة #السرطان اللي ممكن تخليه يدخل بمشاكل هو بغنى عنها يكره يشوف مظلوم أو محتاح قدامه ويكره يشوف أحد يترجاه أو يطلبه شي حنيّن يختشي

١٠- نحب تفهّم #السرطان لك ولمشاكلك نسخة فوزية الدريع ماغير مقابل مشاكلكم ويحلها الله يجزاه خير وهو إذا تضايق؟ حبس نفسه إختفى وفككم من شره

عشرة نكره في السرطان 🙁

١- نكره شخصنة #السرطان الزايدة لو تقول له الجو خايس قالك : شقصدك؟ اي فاهمك أصلاً أدري تقصد كذا وكذا ياليل الشخصنة بكل شيء

٢- نكره حساسية #السرطان بكل شيء لازم تحرص على كلامك وتصرفاتك وتفهم السرطون زين لأن سهل جداً جرحه ، رهيّف ياعيني

٣- نكره قلب البعير اللي بدخل #السرطان لو تقول أتفه كلمة حطها بقلبه وسكت وفجأة تطلع وقت الزعل وإنت مصدوم يا حبة عيني  – قلب البعير : حقود

٤- نكره تفسيرات #السرطان اللي على كيف كيفه يجي يفسر لك شيء أو تصرف بس لأنه يناسب تفكيره وتوجهاته ولا يقتنع بوجهة نظرك مهما حاولت

ه- نكره غيرة #السرطان الجنونية على شريكه وإزعاجه بالمكالمات والمسجات يعنني حقي مقي لا تكلمونه ولا تشغلونه عني حتى أصدقاءه شغال غيره عليهم

٦- نكره تحكم #السرطان بالناس اللي يحبهم يبيهم يصيرون نسخه منه يصادقون اصدقاءه ويعادون اعداءه واذا فكرت بس تسوي العكس يشوفك خاين وماتستحقه

٧- نكره بيتوتية #السرطان اللي مايطلع مناسبات واجده ويحب جلسة البيت والاكل والبيجاما واذا إزدحمت المناسبات بجدوله الاسبوعي طقته النفسية

٨- نكره عدم تقبّل #السرطان للنقد وممكن يعاديك ويحطك بالبلاك ليست بس لأنك إنتقدته بشيء موجود فيه نظامه لا تنتقدوني ابد والا بتكونون تكرهوني

٩- نكره عناد #السرطان لو على حساب نفسه يعنني العنيد وهو لو يجي حبيب القلب يقوله كلمة حلوه يجيك مبسوط ويوافق على كل شي تبيه خير طيب؟ واحنا

١٠- نكره مزاجية #السرطان المتعبة له ولغيره كل شوي بحال والمشكله يحط العيب فيكم

إنتهى